Ministrat evropianë të financave kanë miratuar zyrtarisht një paketë të katërt të sanksioneve të cilat synojnë më shumë se 600 shtetas rusë, në atë që ministri francez i financave, Bruno Le Maire e quajti vendim historik.

“Është paketa më e shpejtë, më e fortë e sanksioneve e miratuar ndonjëherë nga Bashkimi Evropian në historinë e tij”, deklaruan ministrat.

Emrat e individëve dhe subjekteve ruse të përfshirë në raundin e ri të sanksioneve nuk janë bërë të ditur.

“Do të keni një ndalim të ri për disa eksporte si mallra luksi në shtetin rus, klauzola e shtetit më të favorizuar brenda Organizatës Botërore të Tregtisë, e cila do të na lejojë neve – të 27 shteteve anëtare – të rrisim nivelin e tregtisë. Tarifat për të gjitha mallrat ruse”, tha Le Maire.

Sanksionet u zgjeruan për të përfshirë “oligarkët kryesorë, lobistët dhe propaganduesit që shtyjnë narrativën e Kremlinit për situatën në Ukrainë, si dhe për kompanitë kryesore në sektorë te aviacionit ushtarak dhe të përdorimit të dyfishtë, ndërtimin e anijeve dhe makineritë”

Kur u pyet nëse do të kishte sanksione të mëtejshme, Le Maire tha se mund të konfirmoj se presidenti francez, Emmanuel Macron deklaroi javën e kaluar se të gjitha opsionet mbeten në tryezë.