Vuçiq: Do të përballemi me presion

Vuçiq: Do të përballemi me presion

Presidenti i Serbisë, Aleksandar Vuçiq, i cili po qëndron në Doha për Konferencën e Kombeve të Bashkuara, ka deklaruar se ai dhe vendi i tij do të ballafaqohen me presione aspak të lehta.

“Shumë ishin të zemëruar, duke shpresuar se unë do të firmosja diçka dhe se do të mund të thoshin se Serbia humbi, sepse ata kurrë nuk ishin të shqetësuar për Serbinë, por për kolltukët e tyre”, shtoi presidenti serb.

Ai këto komente i bëri duke iu referuar takimit të fundit që pati në Bruksel, ku është takuar me kryeministrin e Kosovës, Albin Kurti me të cilin u dakorduan në parim për pranimin e planit franko-gjerman.

Vuçiq është pyetur nga një gazetar lidhur me kërkesën e deputetëve të “Alternativës për Gjermaninë” në Parlamentin e Gjermanisë, që po kërkojnë që Gjermania ta tërheqë njohjen e Kosovës.

Ai tha se një gjë e tillë nuk është reale, pasi sipas tij Gjermaninë e udhëheqë kancelari Olaf Scholz dhe se nuk ka asgjë nga kjo.