Në ambientet e Shkollës Fillore "Zenel Hajdini" sot solemnisht, u shënua 78 vjetori i themelimit të kësaj shkolle.
Evenimenti i kësaj dite, u festua me një program të pasur artistik, të përgatitur nga nxënësit e kësaj shkolle.
Udhëheqësia e shkollës në krye me drejtorin Shukri Ymerin, dhe këshillin organizativ si gjithherë u përkujdesën që ky manifestim në cilësinë e vet të ketë edhe mysafirë nga Kosova, e Maqedonia e Veriut.
U ndanë mirënjohje, për punëtorët dhe mësuesit e parë të kësaj shkolle si dhe atyre, që nuk gjenden tanimë në mesin tonë. Si punëtor, i kësaj shkolle u ndjeva mjaft i entuziazmuar që dy ish-mësuesit e familjes sime Fejzulla Ademi tani në pension, dhe tjetri Nagip Ademi tashmë i ndjerë, të cilët profesionin e mësuesit e ushtruan me dekada në këtë shkollë, ku dhe drejtori Shukri Ymeri i nderoi me mirënjohje.
Duke qenë pasardhës i tyre, u ndjeva krenar për punën që ata kanë bërë me dekada në arsim, dhe jam i bindur se rrugën e tyre do e ndjek sa t'jem gjallë.
Urime ky përvjetor! Vetëm dritë e dituri, para do shpie thotë Naimi i madh!