Një çift nga New York kanë fituar betejën ligjore me të birin e tyre, për ta larguar këtë të fundit nga shtëpia.

Gjate seancës në Gjykatën e Larte në Syracure, gjykatësi ka vlerësuar hulumtimet ligjore të Michael Rotondo, megjithatë e urdhëroi që të largohet nga shtëpia e prindërve të tij.

Sipas dokumenteve të gjykatës, Michael nuk paguante qira, nuk ndihmonte me punët e shtëpisë si dhe kishte refuzuar paratë që i kishin ofruar prindërit për t’i ndihmuar me vendqëndrim.

Edhe pse i kishin dhënë pesë paralajmërime, Christina dhe Mark Rotondo kanë deklaruar se i biri i tyre refuzon të dalë nga shtëpia.

Ndërsa Michael ka thënë se nuk kishte afat kohor të mjaftueshëm që kur ka marrë lajmërimin për t’u larguar.