Një djalë shqiptar është plagosur me thikë në Milano dhe ndodhet në gjendje kritike për jetën. 29-vjeç me dokumente italiane ka marrë njoftimin nga menaxheri i biznesit përmes qendrës operative telefonike, se një grup afrikanësh kishin hyrë në “Fast Food”, nuk po konsumonin gjë dhe po bezdisnin klientët e tjerë.

Punonjësi shqiptar i sigurisë ka ndërhyrë duke i larguar klientët nga Mx Donald’s ku punonte. Por, në momentin kur 29-vjeçari i ka nxjerrë jashtë, ata e kanë goditur me shqelma dhe grushte. Në vrazhdën e dhunës, i riu është goditur me thikë në shpinë.

I plagosuri u transportua në spital, me plagë të rënda thike dhe frakturë në nofull dhe dëmtime në shpatulla.

Hetuesit kanë marrë pamje nga kamerat e sigurisë në zonë për të identifikuar autorët. Sipas dëshmitarëve, ishin rreth 10 agresorë. Raportohet se shqiptari është sulmuar sapo i ka shoqëruar te dera e biznesit personat ‘problematikë’.