Kohëzgjatja e një ylberi në Tajvan, ka habitur të gjithë banorët, por edhe shkencën. Ylberi ka qëndruar në qiellin e qytetit për 9 orë rresht duke dhuruar një pamje të pazakontë. Ky fenomen është kapur nga profesorët dhe studentët e Universitetit kulturor Kinez.

Ata po shpresojnë që ky fenomen të futet në librin e rekordeve “Guinness” si ylberi që ka zgjatur më shumë në histori. Fotografitë e tyre dhe videot e regjistruara tregojnë ylberin që qëndroi në malet e Taipei-t që prej orës 06:50 deri në orën 15:55. Aktualisht rekordi për ylberin që ka zgjatur më shumë është 6 orë dhe është regjistruar në Jorkshire Angli, më 14 mars të 1994.