Shteti i Serbisë, që njihet edhe si ekspert i  gënjeshtrave dhe makinacioneve, ka shpikur një fushatë të re për ta larguar turpërimin e presidentit serb Aleksandër Vuçiq në përfshirjen e vrasjes së politikanit serb në Kosovë, Oliver Ivanoviq.

Makineria propaganduese e Beogradit e cila menaxhohet dhe kontrollohet tërësisht nga Vuçiq, ka nisur një fushatë shpifëse nëpër mediat e Serbisë, duke u munduar që për vrasjen e Oliver Ivanoviq të akuzojnë kryetarin e Kuvendit të Kosovës, Kadri Veseli.

Aleksandër Vuçiq ka disa muaj që kontrollin mbi mediat e Serbisë ta përdorë për shpifje ndaj Kosovës, për tu munduar ta pastrojë veten para qytetarëve serb edhe pse tanimë të gjithë e dinë përfshirjen e tij si në rastin e vrasjen së Oliver Ivanoviq e po ashtu edhe për pastrimin e parave që e bënë me fondet që i dërgon në veri të Kosovës.

Në stilin e shishes vetëdhunuese të serbit Martinoviç në Gjilan në vite 80’ta dhe pandës famëkeqe në Pejë, edhe në rastin e vrasjes së liderit anti Vuçiq në Kosovë, Oliver Ivanoviçit, presidenti serb po mundohet krimin e porositur nga vet ai, ta bart në Kosovë.

Kjo po ndodhë pikërisht në kohën kur të gjithë në Serbi por edhe vet ndërkombëtarët e kanë mësuar faktin se vrasja e Oliver Ivanoviq është kryer nga njeriu i afërt i Vuçiqit në Mitrovicën veriore.

Ky njeri i afërt i Vuçiqit e kontrollon listën serbe dhe shpëlarjen e parave të pista, së bashku me vëllaun e Vuçiqit dhe vetë  presidentin serb.