Presidenti i Turqisë, Recep Tayyip Erdogan, ka deklaruar se trupat ushtarake turke dhe aleatëve nga opozita siriane janë të gatshëm të fillojnë sulmin në qytetin Manbi në Siri.

Atë qytet ende e mbajnë kurdët nga Siria.

“ Do ta zbatojmë vendimin tonë për Manbi”, u ka thënë Erdogan gazetarëve.

Qëllimi është që atë qytet t’ua kthejnë banorëve arabë të cilët siç kanë thënë kanë prona, transmeton Asociated Press.

Më herët televizioni turk bëri të ditur se forcat turke janë përgatitur për operacionin në Manbi dhe janë pozicionuar në afërsi të qytetit.

Kurdët sirianë ndërkohë kanë arritur marrëveshje me Qeverinë në Damask për mbrojtje të përbashkët nga invazioni turk.