Koronavirusi, India ndihmon të varfrit me 22 miliardë dollarë

Koronavirusi, India ndihmon të varfrit me 22 miliardë dollarë

India ka njoftuar se do të ketë një ndihmë financiare në vlerë prej 22 miliardë dollarësh për të ndihmuar të varfrit të përballojnë efektet ekonomike të shpërthimit të Covid-19.

“Ne nuk duam askush të mbetet i uritur, dhe nuk duam askush të mbetet pa para. Pakoja, që përfshin ushqim falas dhe transfere të parave, ishte për ata që kishin nevojë për ndihmë emergjente”, ka thënë Ministrja e Financave, Nirmala Sitharaman.

Ajo tha gjithashtu se zyrtarët shëndetësorë do të kenë sigurim shëndetësor deri në 66,500 dollarë, transmeton Klan Kosova.

Mediat kanë raportuar se kjo shumë është vetëm 1 % e GDP-së Indisë, për dallim nga SHBA-ja dhe Singapori që po shpenzojnë rreth 10 % të GDP-së së tyre për pako të ngjashme.

Megjithatë, kjo mund të jetë vetëm faza e parë, pasi është paralajmëruar se pako të ngjashme do të ketë edhe më vonë.

Ekonomia e Indisë ishte edhe ashtu në mës të një rënie të rëndë, para se vendi të hynte në bllokadë duke mbyllur vendet e punës dhe fabrikat që lë miliona punëtorë pa paga.