Gjatë ditës së sotit është mbajtur mbledhja e dytë e këshillit komunal në Preshevë.
Pas përfundimit të mbledhjes së këshillit komunal zv.kryetari i komunës së Preshevës z.Ragmi Mustafa në konferencë për shtyp ka deklaruar se një nga vendimet e marrura gjatë kësaj mbledhje është edhe ndërprerja e kontratave të dy kompanive të afërta me ish pushtetin e komunës së Preshevës.
Njëra kontratë që është ndërprerë është ajo për ndriçimin publik të komunës së Preshevës, si dhe kontrata e dytë është lidhur me mirëmbajtjen e rrugëve në teritorin e komunës së Preshevës.
Tek të dy kontratat janë gjetur parregullësi dhe defekte gjatë procesimit dhe nënshkrimit të këtyre dy kontratave.