Përpara raundit të dytë të bisedimeve Rusi-Ukrainë, gjeneralmajori rus Andrei Sukhovetskiy u vra nga një snajper në Ukrainë.

Ngjarje kjo që vjen një ditë pasi presidenti Volodymyr Zelenskyy pretendoi se Rusia ka humbur rreth nëntë mijë ushtarë.

Vdekja e gjeneralmajor Andrei Sukhovetsky është ajo e një oficeri të parë të rangut të lartë në radhët ruse.

47-vjeçari ishte komandant i Divizionit të 7-të Ajror.

Lajmi u konfirmua edhe nga miku i tij, i cili njoftoi përmes mediave sociale se Sukhovetsky ishte vrarë.

“Me dhimbje të madhe mësuam lajmin tragjik për vdekjen e mikut tonë, gjeneralmajor Andrey Sukhovetsky, në territorin e Ukrainës gjatë operacionit special. I shprehim ngushëllimet tona më të thella familjes së tij”, ka shkruar Sergej Chipilev.