Bashkimi Evropian ka goditur Rusinë me më shumë sanksione këtë mëngjes.

Është raundi i 16-të i sanksioneve të vendosura nga blloku që kur Rusia nisi pushtimin e saj të plotë të Ukrainës tre vjet më parë.

Paketa e fundit shtrin ndalimet për importet e aluminit nga Rusia.

“Ky raund i ri sanksionesh nuk synon vetëm flotën ruse në hije, por ata që mbështesin funksionimin e cisternave të pasigurta të naftës, kontrollorët e lojërave video të përdorura për të pilotuar dronët, bankat e përdorura për të anashkaluar sanksionet tona dhe mjetet propagandistike të përdorura për të nxjerrë gënjeshtra”, ka thënë kryediplomatja e BE-së, Kaja Kallas.

“Me bisedimet në vazhdim për t’i dhënë fund agresionit të Rusisë, ne duhet ta vendosim Ukrainën në pozicionin më të fortë të mundshëm”, shtoi ajo.

Sanksionet – gjoba efektive ligjore që kufizojnë tregtinë, financimin ose udhëtimin, ose ngrijnë asetet – janë përdorur gjerësisht nga vendet perëndimore kundër Rusisë që nga pushtimi i saj në shkallë të plotë të Ukrainës.