Jordania ka reaguar negativisht ndaj kërkesës së Kombeve të Bashkuara (OKB) për të hapur pikat kufitare për sirianët.

Zëdhënësja e qeverisë jordaneze, Jumana Ghunaimat në një deklaratë për AA tha se vendi i saj nuk pranon kërkesën e OKB-së për të hapur pikat kufitare për sirianët.

Ghunaimat tha se se vendi i saj ka marrë vendimin që të mbajë mbyllur kufijtë me qëllim për të mbrojtur sigurinë dhe për t’u distancuar nga ndonjë rrezik që nuk është në përputhje me interesat e saj.

“Hapja e kufijve me kërkesë të OKB-së për të siguruar strehim për sirianët është në kundërshtim me këto interesa”, theksoi Ghunaimat duke shtuar se OKB-ja dhe komuniteti ndërkombëtar duhet t’i japin fund dhunës dhe luftës dhe nuk duhet të qëndrojnë larg përmbushjes së këtij roli që është më e rëndësishmja.

Ajo ka rikujtuar se ndihmat humanitare dhe presioni për arritjen e një zgjidhjeje politike për t’i dhënë fund krizës në jug të Sirisë është gjithashtu në mesin e roleve të OKB-së në lidhje me çështjen.

Pasi ka tërhequr vëmendjen se hapja e kufijve nuk është zgjidhje, Ghunaimat tha se “E rëndësishme është të gjendet një zgjidhje politike për çështjes në themel. Jordania do të vazhdojë të përmbushë detyrën e saj humanitare për dërgimin e ndihmave humanitare për refugjatët brenda kufijve të Sirisë”.

Komisioneri i lartë i OKB-së për refugjatët, Filippo Grandi i kishte bërë thirrje Jordanisë që të hapte kufijtë në mënyrë emergjente për civilët.