Zëvendëssekretarja e Përgjithshme e NATO-s, Rose Gottemoeller, tha sot në Bruksel se KFOR-i nuk do të tërhiqet nga Kosova.

Ajo ka bërë të ditur se në samitin e ardhshëm të Aleancës Veri-Atlantike do të ketë një angazhim për të vazhduar misionin paqeruajtës, transmeton KP.

Duke iu përgjigjur pyetjeve të gazetarëve serbë lidhur me uraniumin e varfëruar, Gottemoeller thotë se si NATO dhe Kombet e Bashkuara në vitin 2001 kryen hetime themelore shkencore që kanë vërtetuar se uraniumi i varfëruar nuk ka ndikim në shëndet.