Postimi i plotë i kryetarës së komunës së Preshevës znj.Ardita Sinani:
Mbledhja e Këshillit Komunal: Vendime të rëndësishme për qytetarët dhe qytetin tonë
Sot, gjatë mbledhjes së Këshillit Komunal, u morën disa vendime që do të kenë ndikim të drejtpërdrejtë në përditshmërinë e qytetarëve dhe mirëqenien tonë. Disa prej tyre janë:
- Përgatitjet për dimrin
U diskutua për pastrimin e borës dhe mirëmbajtjen e rrugëve lokale gjatë sezonit të ftohtë, duke garantuar lëvizjen e sigurt për të gjithë.
- Mbështetja për Kryqin e Kuq
Miratuam një vendim të rëndësishëm për të mbështetur degën lokale të Kryqit të Kuq, me fokus në ndihmën ndaj familjeve në nevojë dhe përkujdesjen ndaj të moshuarve gjatë dimrit. Solidariteti është vlerë që na bashkon!
- Dekorimi i qytetit për festat e fundvitit
Presheva do të vishet me shkëlqimin e festave! Dekorimet do ta kthejnë qytetin në një hapësirë festive dhe të ngrohtë, duke sjellë gëzim për fëmijët dhe vizitorët. Kjo nismë është një mundësi e mrekullueshme për të rritur atraktivitetin e qytetit dhe për të nxitur aktivitetin ekonomik gjatë sezonit festiv.
Të gjitha këto vendime janë për të përmirësuar cilësinë e jetës dhe për të forcuar ndjenjën e bashkëpunimit dhe solidaritetit mes nesh.
