Një nga nutricionistet më të dashura të Britanisë, Emily English, ka tërhequr vëmendjen e përdoruesve të mediave sociale me një video që tregon tre vaktet e saj të përditshme, të cilat janë më të pasura se sa mund të pritej.

Me mbi 2 milionë ndjekës në rrjetet sociale, Emily ka arritur një sukses të madh, duke firmosur kontrata me markat si Marks & Spencer dhe firma kujdesi për lëkurën Perricone MD.

Ajo ka shkruar dy libra kuzhine dhe shfaqet shpesh në programin “This Morning” në ITV.

Në një video të fundit në TikTok, ajo tregon se djathi cheddar, vezët e skuqura, buka dhe kurrizat janë pjesë të dietës së saj të përditshme.